di Piero Archenti
Non si sono lasciati intimorire dal freddo gli alessandrini, grandi e piccoli, pur di assistere alla sfilata dei carri allegorici per le strade cittadine prima di approdare in piazza Garibaldi dove una moltitudine di ragazzini erano ad attenderli, moltissimi anche i genitori.
Sul palco allestito dal Comune il dj Stefano Venneri è riuscito a catalizzare grandi e piccini in una serie di giochi e balli.
Presenti molti assessori comunali come, ad esempio, Piervittorio Ciccaglioni, Davide Buzzi Langhi, Fteita Cherima, Cinzia Lumiera ed altri ancora oltre, naturalmente, al sindaco Cuttica di Revigliasco.
I carri che hanno raccolto più voti da parte della giuria composta da giornalisti sono stati:
Sezzadio, primo classificato,con 55 punti, che si aaggiudica anche 1.000 euro, secondo Frugarolo con 54 punti e il premio di 600 euro, terzo classificato Castelnuovo Belbo che si è aggiudicato il terzo posto con 50 punti e 400 euro. Ai non classificati un premio di 150 euro.
Apprezzata anche l’immancabile “businà” di Gianni Pasino.
Businà 2018
di Gianni Pasino
Car amis ch’i sej chi an piasa
Lisandrèn da bòn, o d’n’atra rasa… (pausa)
oh, pardòn… fei fenta d’avei nent sentì
rasa la va nent ben, as po pi nent di
perché po’ ui ven fora ammà di casini
se la vus la riva… a la Boldrini.
E donca: Car amis ch’i sej chi an piasa
la Businà urmai l’è ac’mè na tasa
che as paga chi a ogni Carvè
cun Venneri che semper pì platà a l’è
c’al fa cuntinuamènt di record… ist l’è veira
e per fe is robi ui va tanta lucheira
ma an sta sità lù… al va ben da bòn
perché d’ luc us na trova an tùcc i cantòn.
A pos nent parlè dal nostri rasi
ma certo a pos dì d’cui dal Palasi
che da chic meis l’è amnì la tana
d’ina rasa ch’as ciama padana.
U Gianfranco coi cavì fin ans el spali
ad fè u Sindich u n’ava ganch per el bali
ma u sava nent che i Lisandrèn i son di spresius
e ac’sè la murdì ant l’aj… e la duvì dì cl’è dus.
Rivònda an Municipio u s’è truvà
perlomeno, a voi dì, an pò… spaisà
u smijiava, lù ch’a l’è custimà con j’artisti,
ac’mè n’omi vistì… ammès ai nudisti.
E per la Giunta la facc i sout murtal
jè amnì fora du titt… dal ben e dal mal
ònche cul giuvnòt che an doi dì
la fac l’asesur… po’ l’è sparì;
E in post la duvì truveili an bon’na fèn
anche a cullà ch’us ciamà Barusèn
che ac’sè la truà u sò travaj da fè,
talment tant travaj, che ades, u s’è andacc a candidè
per avej in post an Parlament
almeno al po turnè a fè… in bel cristu d’nent.
Uarda che schers j’òn facc a Revigliasco
ch’al pensava d’candidèsi e fè fiasco
perché antònt i Lisandrèn ad tùcc i cantòn
javu pi car ad dèji al vut al Dutur Macòn.
L’è che Macòn u trata i malavi dl’uspidal…
ma Lisòndria no: la sta trop mal
… a sta povrà sità, chi ch’ui dà ‘na man
l’è nent certo in dutur, pùtòst Bagliàn.
Revigliasco u sla spiciava pròpi nent
d’vensi al balutagi contra cula gent
che l’ava guvernà per ‘na legislatùra
sercònda a Lisòndria d’truvèji ‘na cùra.
Certo la Russa l’avrà ònche el so bon’ni manèri
ma l’è nent an grado d’fè ac’mè j’infermèri…
da Spinetta a j’Ort, da la Pista al Crist
a mandèla a cà j’òn pruvà pròpi tònt ghist.
Po le sens’ater, a so nent perché
la pià ‘na sapa e as l’è dacia ans i pé
d’botanica la sa poc… me a voj dijla ant ‘na riga:
quadrifoglio… furtèn’na, trifoglio a l’è sfiga!
Antònt i Lisandrèn, cuntent ac’mè fiulèn
i son andac a pres al baleiri d’ Salvèn
cla purtà la so Lega a vensi gl’elesiòn
parlònda coi moru ai giardèn dla stasiòn.
Cmè cl’è andacia urmai al fa part dla storia
l’è nent al caso che me a staga chi a rinfreschèv la memoria,
coi Cinque stelle che da atri part i vensivu ‘d suèns,
chi i son drucà ac’mè ‘l steili ant la nocc ad’San Lurèns.
E Cuttica dunque u s’è truvà an Municipi
e se clà fac, u noster Sindich, an prinsipi?
Al prim pruvediment, sgagià ac’mè la losna
l’è fè al milti a chi ch’u ciama la limosna.
L’è che po us ne acorc ant in mument
che i vigil pròpi quònd che i servu… lur i son nent.
L’è ac’me ades che con l’aria anquinaia
cou smog che ut sasèn’na e al vens la bataia…
ecco, al Cumèn ai diesel u sara la sità
ma jè anzèn ch’u rispeta cul cu dis l’Autorità,
perché antònt u j’è mea ‘d cantòn
andò ‘t trovi ‘na guardia cl’à fasa cuntravensiòn.
It fan gnònch la milta, e la gent l’as lamenta,
se te, ac’mè in pursè, at’traj vea l’armenta
i bidòn i fan sghinfi, l’è sporca la sità
jè da avei vergogna, a suma pròpi mal custimà.
Però anche l’Amag Ambiente… da j’ultim i capi
i stan ant j’ufissi a scaudèsi el ciapi
e nui pover crist che a ciamuma d’j’aiuti
per risposta a juma ammà di rifiuti.
Ma ambzògna dì ch’a juma ònche del robi beli
tipo ìl Pont Meier, che fina Renzi l’è andacc ansima a uardèli;
me a so dla gent che, con piedi e mani
l’auriva deji in culp e treli sì an Tani.
Jò alsì ans al Piccolo, che ‘l pont an question
l’è sa bele e aruinà, ac’mè c’al fisa zà ‘n tulòn
con cul c’am custa a sper, ma so mea,
se almenu u sea ancura an garansea,
se no… se per caso.., comunque vada
da cul’american a juma pià ‘na ciulada.
Però jè Lodola, con al statui luminusi,
ans al rutondi, i son propi chiriusi
a chicadèn i piasu, a tanc i piasu nent
la roba sichira l’è che im custu in parfònd ad curent
menimàn, che mincantant, quaicos al va stort
e is monument… pì che anvisc a l’è pùtòst smort.
A l’è mea ancur finija, u jè Santa Maria d’Castè, che bela piasa
gnonch in toc d’verd, ‘na fiu, ‘na rosa anche pasa
e po cui scalèn… stidià da ‘n architet o ‘n ingegné
che set stai nent a l’erta, ta ta sc-iapi i pé.
Me a j’ò capì perché j’àn bità gnònch ‘n aiuola:
per nent fa caghè i can d’andòn a la scola
ma antònt i can di Lisandrèn… a ogni strà i pori uardè
i trovu dovunque di post per caghè.
Per cunsulesi, me cara Lisòndria, quala cl’è la cùra?
La risposta l’è: andè a serchè la cultùra.
Son andacc a la mostra, i m’an dic: “L’è nent mal
e po’ l’è tùtt gratis e t’pori vighi Chagall”;
a son andacc anfurmà…ma j’era dui quader an crus
a j’ò sercà ticc j’acer… magari jeru scus
macchè… ac’mè ch’a son entrà, a son sùbit surtì,
an dui minit a j’era zà per la via
perché la mostra l’era zà bela finija.
Niente cultùra, dimi an po’ sa j’ò tort
forse a l’è mei dedichesi au sport
i Grigi an testa per mes campiunà
jeru i pì fort… l’erà scric an mesa sità
andònda che i tifus j’òn bità i strisiòn
e mi… scaramantic… am son gratà i cujòn.
E a java razòn… perché dop chic meis
a j’ò vist che an serie B l’è andacia la Cremoneis
lur a fè festa con turàs e turon
e nui sempra chi… gnurònt ac’mè di gabòn.
An testa la squadra la sarà nent granchè
però nui an testa.. juma i capè…
che bel Bursalèn, el vanto di lisandrèn
che storia meravigliusa, u sur Pipèn,
po tùtti cul mati che an biciclèta
i pedalavu mustranda anche in toc d’gambèta.
Menimàn che u j’à pensà Bursalèn a salvé sta sità…
a no, schisémi… a j’ò pià la Businà ‘d cuc ani fà.
Ma allura, per finì, am ciam: jè quaicos
che i Lisandrèn j’an ant la pél e ant j’os
per disi urguglius ad stè ant ista tera
sensa vantèsi d’Marengo, che po l’è ‘na guera?
Ui sarà ben, chisà an che cantòn
nui a suma acsè, a critichè semper di campiòn
e anche la Businà, avej pasiensa
l’è brisca, perché la dis ammà cul cla pensa…
A suma anrabià con Lisòndria, d’acordi però
s’im ciamu d’cambiè… a rispunduma no
auruma stè chi, ant el ben e ant el mal
a suma Lisandrèn, mea ac’mè cui d’Casal
a stuma chi, cun la Burmia e Tani
con chi c’al fa ben e chi c’al fa di dani
chi ant la tera d’Eco e d’Rivera
cun la gent ch’ut ciama: “Ma te, ischilè, t’al sai chi cl’era?”
C’mesisea urguglius, ònche sa suma al piòn di babi,
e allura Lisandrén av la digh cér e net… fè semper ch’i na j’abi!
