di Gianni Pasino
A voj c’mensè auguròmda Bon Carvè
a tücc ch’ui ch’i son chì per festegè
e av digh che se ancò i sei ant’ista piasa
l’è perché j’ei nent pià
la malatèjia ‘d cula rasa
che per tònt dì u m’à preocupà:
A j’avu poura d’avej di dulur
noi ch’a suma da l’atra part del mond,
mangiònda di raviò al vapur
e del pes crì per sgond.
Con tütt al gròn’ni ch’u j’è
almenu ant’j’ültim doi meis
as suma fina duvì preocupè
ad ch’ul che chì i fòn i cineis,
che dop i negosi da priché,
i bazar cun j’uferti fenumenàl
sensa ma e sense sé
i voru fem ampinì tìcc j’uspidal.
A l’è che la gent a l’à meja ‘d cunisiòn
e as preocupa dla Cina
quòndi che per l’aria du noster cantòn
j’andreisa sè la mascherina!
Il disu i stidiùs che l’è ‘n prublema
che chì us po’ quasi pì respirè,
ma la gent…, cula an po’ sema,
cun la machina la vo’ andè
fina ‘ns la porta di palasi,
fina ‘ndrènta la scola di fioj,
però ai duma la culpa agli atri rasi
se nujater andùma a moj.
E la classe pulitica se c’la fa?
Anveci ‘d dimi d’andè a pé
e ‘d sarè ai mutùr piasa dla Libertà,
la droba anche cula ‘d Sònta Maria d’Casté.
A j’ò ant la ment che i seju ‘n po’ mat
o che, magara, chica “testa fina”
la pudrèisa avèj fàcc di cuntrat
cun chi ch’el vend diesel e bensina.
Se ‘d no l’è dificil da spieghè
su j’è ‘nzèn ch’ui guadagna,
cul che an testa im sercu ‘d bütè
che chì l’aria a l’è medesima d’la muntagna.
E se an centro i sciapu ‘l vidrèn’ni,
(c’l’andrèiva ciapèj
e fei sagè randlà ans’ el ren’ni!)
e u smeja tütt bèle mort,
cun dl’aria grama e tücc j’udur,
se che i devu dì, anveci, a j’Ort
cun la storia du depuratur?
Andrènta a Tani u j’è dla scima biònca
e tant sghènfi, che di sicuro,
u ries nenta a fela frònca
gnònca ‘na bestia ac’mè ‘l Pesce Siluro!
Però noi a pensùma ai cinèis
e nent a Spinèta e ai so dulur:
là i son tònc ani,,, at che meis…,
ch’i moru ac’mè muschi per culpa di timùr.
Ma la gent la sa anmà parlè
del Coronavirus e cumpanija,
che sl’è Corona…, a pens mej, né,
forse chiccòs u j’entrà la Munarchija
e chì l’ünic munarca ca cugnès
l’è Carminuccio…, pover fanciòt
che a Lisòndria urmai d’an pes
el piònta sü di quarantòt!
Ün mügg ad gent u l’à ‘n ghignòn:
“Ma se ch’el vò is ater lei?”
I disu: “Ch’u sara la buca sa l’è bòn,
che su sta citu a l’è semper, semper mei!”
Lü l’amèt i so tort dònda del spiegasiòn,
certo che anca l’Upusisiòn
ant’ista sità la fa ‘n po’ acqua
sl’è anmà bon’na a fè la manifestasiòn
sgarònda u temp per Passalacqua.
E a dèj ‘na man a cui del PD
anca ‘l Sardèn’ni i son rivaji,
perché lur i son nent gent del Partì
e i voru nent avej midaji,
ma antònt a Snistra is fòn nutè
e me a son sichir che i pì bòn
is dòn tütt is gròn da fè
perché is preparu a j’elesiòn.
Al pover Gianfranco Cuttica,
a forsa ‘d lezi ‘l bilancio e debit miliunari,
i sòn amnì i calcoli biliari,
ma el noster car Sindich u sta fresco,
semper caresònda u so codino,
s’u spera d’salvè la Cesa ‘d San Francesco
sensa il bec d’ün quattrino.
A j’ò ant la ment che ‘d sold
ui ‘na sea pròpi mea,
che us posa fè di prugèt anca all’eccesso,
ma sensa ‘d j’euro … tütt sa fadèjia
l’è carta ch’a ‘s po trè ant’u cesso!
Se ui fisa di sold, av dirreiva
‘d pensè a j’emergensi general
e fè chiccòs, ad esempi,
per tütt cui maravi an coua a l’uspidal!
Al Pronto Soccorso…, pover dutùr,
j’òn tücc ün gròn da fè,
perché j’è semper ‘na catèrva ad gent
e sla cuntinua ‘ndè avònti acsè
l’avrà pì abitònt che Quargnent!
Po’ per forsa che il futuro
per tücc cui ch’i son malati
u sarrà… a ‘na son quasi sicuro
‘l Pronto Soccorso fàcc dai privati.
Basta che ‘t paghi it fòn pasè,
t’abi mà ‘l fidic o mà a j’os
‘t rivi e it visitu d’amblè
senza gnònc gavèt i vistì da ‘ndos.
Tacà al Centogrigio u j’è zà l’ajüt,
tütt bel pulid, me a j’ò vist:
us ciama Cà dla Salüt,
l’è ‘n miracu ch’i fòn al Crist.
El Quartiè dop la feruvèja
urmai l’è pü cul d’j’uperai,
di sfollati e cumpanijia
ch’j’òn la vita pen’na ‘d guai.
Adès grassie al Farmacista,
ui fa cuncurensa a la sità
e chisà s’us bita an vista
perché el vò ‘dventè lü l’Autorità?
Per adès al fa ‘l manifestasiòn
e i negosi du centro i stòn semp a lamentèsi:
Piasi saraj o duerti? A bitès d’acordi
i son nent bòn,
anveci lü u tira drìcc, perché u sa u so da fèsi.
E allura me av digh, car Lisandrèn:
“Dev da fè, e fè nent j’ufèis,
se ‘d no ansèma… andùma a la fèn
e a l’è nent certo per culpa di cinèis!”
TRADUZIONE IN ITALIANO
Basta che paghi ti fanno passare
che tu abbia mal di fegato o alle ossa
arrivi e ti visitano immediatamente
senza neanche spogliarti.
Vicino al Centogrigio c’è già l’aiuto,
tutto bello e pulito, io ho visto:
si chiama Casa della Salute,
è un miracolo che fanno al Cristo.
Il Quartiere dopo la ferrovia
ormai non è più quello degli operai,
di sfollati e compagnia,
che hanno la vita piena di guai.
Adesso grazie al Farmacista,
fa concorrenza alla città
e chissà se si mette in vista
perché vuol diventar lui l’Autorità?
Per adesso fa le manifestazioni
e i negozi del centro stan sempre a lamentarsi:
Piazze aperte o chiuse? A mettersi d’accordo
non son capaci,
invece lui tira dritto, perché sa il suo daffare.
E allora io vi dico, cari Alessandrini:
“Datevi da fare, e non fate gli offesi,
se no insieme… andiamo alla fine
e non è certo per colpa dei cinesi!”